luns, 15 de xaneiro de 2018

COMEZA A VIAXAR A BOLSIÑA DOS IRMÁNS !!!

Esta fin de semana comezou a viaxar a "Bolsiña dos irmáns" que preparamos dende a Biblioteca para todos aqueles nenos e nenas que tiveron un irmanciño ou irmanciña. Dentro desta bolsa viaxeira van uns libros sobre o tema para compartir en familia e un caderno para que cada familia anote o que queira sobre esta experiencia. Que bonita iniciativa!!!!

xoves, 11 de xaneiro de 2018

COUSIÑAS DO PRIMEIRO TRIMESTRE.

Neste primeiro trimestre que rematou fixemos na biblioteca dúas exposicións, unha relacionada co Samaín e outra co Nadal. No Samaín, ademais dos libros de medo, fixemos unha exposición cos traballos realizados polos alumnos/as a proposta da biblioteca. Creáronse monstros que tiñan poderes, relatos de medo, contos... quedaron uns traballos ben bonitos! No Nadal fixemos unha exposición de libros relacionados coa época.

xoves, 9 de marzo de 2017

DÍA DA MULLER

Dende a nosa biblioteca quixemos conmemorar o Día da Muller brindando unhas actividades que tiveron moito éxito. En primeiro lugar propuxemos que, voluntariamente, os nenos trouxesen a historia dunha muller da súa familia... e o éxito foi enorme. En segundo lugar propuxemos o descubrimento da vida de varias mulleres ilustres e... aquí tedes os resultados. Que bo traballo fixeron os nosos nenos! Os corredores do noso cole están adornados con historias de moitísimas mulleres brillantes.

luns, 30 de xaneiro de 2017

DÍA DA PAZ!

O 30 de Xaneiro celebramos o Día da Paz e dende a biblioteca fixemos esta bonita exposición de libros... Que vos parece?

venres, 18 de novembro de 2016

XA TEMOS O NOSO LIBRO DE RECEITAS!

Xa temos o noso Receitario Feiticeiro con todas as apócemas confeccionadas polos nenos e nenas do noso cole. Mirade que chulo! Fixeron unhas receitas ben monstruosas!

sábado, 29 de outubro de 2016

XA CHEGOU O SAMAÍN!

Xa chegou o Samaín! Este ano na biblioteca adicámolo ás bruxas... Que medo! Tivemos sesións de contacontos de medo na biblioteca e cada clase elaborou unha apócema conxunta para logo facer un libro con elas. Que ben o pasamos!