XA TEMOS O NOSO LIBRO DE RECEITAS!

Xa temos o noso Receitario Feiticeiro con todas as apócemas confeccionadas polos nenos e nenas do noso cole. Mirade que chulo! Fixeron unhas receitas ben monstruosas!

XA CHEGOU O SAMAÍN!

Xa chegou o Samaín! Este ano na biblioteca adicámolo ás bruxas... Que medo! Tivemos sesións de contacontos de medo na biblioteca e cada clase elaborou unha apócema conxunta para logo facer un libro con elas. Que ben o pasamos!

SAMAÍN 2016 - Kizoa Editar Videos - Movie Maker

ESTAMOS ESPERÁNDOVOS!

Con este mes de Outubro comezamos o préstamo na nosa biblioteca! Xa vos estamos esperando con moitos e moitos libros cheos de aventuras, información e miles de cousas máis. Benvidos!

BENVIDOS A UN NOVO CURSO!

Benvidos a un novo curso! Comezamos un novo curso cheo de ilusións e proxectos que farán que vos acheguedes á biblioteca para que coñezades novos mundos e novas historias. Esperámosvos!

BENVIDA 2016 - Kizoa Editar Videos - Movie Maker

DÍA DAS LETRAS GALEGAS!

Neste Día das Letras Galegas quixemos homenaxear a Manuel María no noso recunchiño do recibidor do cole. Alí expusemos algúns dos títulos de Manuel María e tamén outras obras en galego para nenos; ademais decoramos o espazo con moitas das cousas feitas polos nosos alumnos sobre as obras de Manuel María. Mirade cantas cousas bonitas feitas homenaxeando a na nosa fala!

LETRAS GALEGAS - Kizoa Editar Videos - Movie Maker

DÍA DO LIBRO

Este ano no noso cole decidimos adicar o Día do Libro a Xulio Verne (posto que D. Quixote xa foi o noso protagonista o curso pasado). Por iso dende a biblioteca organizamos contacontos e ademais fixemos unha exposición de libros que foi complementada con múltiples traballos realizados polos nosos nenos e nenas. Mirade que bonito quedou todo e tamén ollade a información recollida de Xulio Verne que cada familia levou para a súa casa.

DÍA DO LIBRO - Kizoa Editar Videos - Movie Maker

ACTIVIDADE DE FORMACIÓN DE USUARIOS PARA EDUCACIÓN INFANTIL

Dende a nosa biblioteca realizamos unha actividade de formación de usuasios para educación infantil que tivo moito éxito. Ás aulas chegarom unhas cartas vheas de misterio e os nenos e nenas de infantil non dubidaron en acudir á biblioteca para descubrir de que conto se trataba. Acertaron ben ata no título!

FORMACIÓN LECTORES INFANTIL - Kizoa Movie Maker